Devanga Kula Jegath Guru Hampi Hemakoota Gayathri Peeta Sri Sri Sri Dayanandapuri Swamiji.

​ವಸ್ತ್ರ ವಿನ್ಯಾಸವನ್ನು ವಿಶ್ವಕ್ಕೆ ಪರಿಚಯಿಸಿದ ಕೀರ್ತಿ ದೇವಾಂಗ ಸಮಾಜಕ್ಕಿದೆ.

​ಬೆಳ್ತಂಗಡಿ,ಜೂ.26 : ಸಾಕ್ಷಾತ್ ಪರಶಿವನ ಅನುಗ್ರಹದಿಂದ ಜನ್ಮತಾಳಿದ ದೇವಾಂಗ ಮಹರ್ಷಿಯು ದೇವಾಂಗ ಸಮಾಜದ ಕುಲಗುರುವಾಗಿದ್ದಾರೆ. ಇಡೀ ವಿಶ್ವಕ್ಕೆ ವಸ್ತ್ರ ವಿನ್ಯಾಸವನ್ನು ಕಲಿಸಿದ ಈ ಸಮಾಜದ ಇತಿಹಾಸ ಮತ್ತು ಪರಂಪರೆಯನ್ನು ಪ್ರತಿಯೊಬ್ಬರು ತಿಳಿದುಕೊಳ್ಳಬೇಕು ಎಂದು ಶ್ರೀ ಗಾಯತ್ರಿಪೀಠ ಮಹಾಸಂಸ್ಥಾನ ಅಧ್ಯಕ್ಷರಾದ ದೇವಾಂಗ ಜಗದ್ಗುರು ಹೇಮಕೂಟ ಹಂಪಿಯ ಪುರಿ ಮಹಾಸ್ವಾಮಿ ಹೇಳಿದರು.
ಅವರು ದೇವಾಂಗ ಸಮಾಜ ಉಜಿರೆ ವಲಯ ಇದರ ವತಿಯಿಂದ ಶ್ರೀ ಜನಾರ್ದನಸ್ವಾಮಿ ದೇವಸ್ಥಾನದ ಶ್ರೀ ರಾಮಕೃಷ್ಣ ಸಭಾಭವನದಲ್ಲಿ ನಡೆದ ಸಮಾಜ ಬಾಂಧವರ ಸಭೆಯಲ್ಲಿ ಭಾಗವಹಿಸಿ ಆಶಿರ್ವಚನ ನೀಡಿದರು.
ನಮ್ಮದು ಐತಿಹಾಸಿಕ ಪರಂಪರೆಯುಳ್ಳ ಸಮಾಜವಾಗಿದೆ. ದೇವರ ದಾಸಿಮಯ್ಯ 7ನೇ ಅವತಾರವಾಗಿದೆ. ಕನ್ನಡದಲ್ಲಿ ವಚನ ಸಾಹಿತ್ಯವನ್ನು ಬರೆದ ಮಹಾನ್ ಸಂತ ಅವರು. ನಮ್ಮ ಸಮಾಜ ಆರ್ಥಿಕವಾಗಿ ಹಿಂದುಳಿದಿದ್ದರೂ, ನಮ್ಮ ಪರಂಪರೆ, ಸಂಸ್ಕೃತಿ ದೊಡ್ಡದು, ಶ್ರೀ ಕೃಷ್ಣದೇವರಾಯರಿಂದ ಬಳವಳಿಯಾಗಿ ಬಂದ ನಮ್ಮ ಮಠದ ಪರಂಪರೆ ಉನ್ನತವಾದುದು, ಮಠದ ಸಂಪರ್ಕ, ಗುರುಗಳ ಸಂಪರ್ಕವನ್ನು ಇಟ್ಟುಕೊಂಡಾಗ ಸಮಾಜ ಬೆಳೆಯುತ್ತದೆ. ಸಮಾಜವನ್ನು ಉತ್ತುಂಗ ಸ್ಥಿತಿಗೆ ಕೊಂಡೊಯ್ಯುವುದು ನಮ್ಮ ಕರ್ತವ್ಯವಾಗಿದೆ ಎಂದರು.
ಉಜಿರೆ ಶ್ರೀ ಜನಾರ್ದನ ದೇವಸ್ಥಾನದ ಆಡಳ್ತೆ ಮೊಕ್ತೇಸರ ವಿಜಯ ರಾಘವ ಪಡ್ವೆಟ್ನಾಯ ಮಾತನಾಡಿ, ಪ್ರತಿಯೊಂದು ಸಮಾಜ ಸಂಸ್ಕøತಿಯ ಪ್ರತೀಕ ಗುರುಗಳು. ನಾವು ಗುರುಗಳಿಗೆ ವಂದಿಸಿದ ಬಳಿಕ ನಮ್ಮ ಆರಾಧ್ಯ ದೇವರನ್ನು ಪೂಜಿಸಬೇಕು. ಇದರಿಂದ ಜೀವನದಲ್ಲಿ ಉನ್ನತಿಯನ್ನು ಸಾಸಬಹುದು. ದೇವಾಂಗ ಸಮಾಜ ಆರ್ಥಿಕವಾಗಿ ಸದೃಢವಲ್ಲದಿದ್ದರೂ ಸಾಂಸ್ಕೃತಿಕವಾಗಿ ಉನ್ನತ ಸ್ಥಾನದಲ್ಲಿದೆ ಎಂದ ಅವರು, ಸುಮಾರು 70 ವರ್ಷಗಳ ಹಿಂದೆ ದೇವಾಂಗ ಸ್ವಾಮೀಜಿ ಪಡುವೆಟ್ಟು ಮನೆಗೆ ಬಂದುದನ್ನು ಈ ಸಂದರ್ಭ ನೆನೆಸಿಕೊಂಡರು.
ಸಮಾಜ ಬಂಧುಗಳ ಪರವಾಗಿ ಹಿರಿಯರಾದ ಬಿಎಸ್ ಗಿರಿಯಪ್ಪ, ರಾಜ್ಯಾಧ್ಯಕ್ಷ ರಮೆಶ್ ಜಿ. ಮಾತನಾಡಿ ಮಾರ್ಗದರ್ಶನ ನೀಡಿದರು. ಈ ಸಂದರ್ಭ ಸ್ವಾಮೀಜಿಯವರನ್ನು ಸಮಾಜದ ಬಂಧುಗಳ ಪರವಾಗಿ ಗೌರವಿಸಲಾಯಿತು. ಪಡ್ವೆಟ್ನಾಯರನ್ನು ಸಮಾಜದ ಪರವಾಗಿ ಸ್ವಾಮೀಜಿಯವರು ಅಭಿನಂದಿಸಿದರು.
ಉಜಿರೆ ವಲಯದ ಅಧ್ಯಕ್ಷ ಎಂ.ಡಿ. ಭಾಸ್ಕರ್ ಸ್ವಾಗತಿಸಿ, ಕಾಯದರ್ಶಿ ಪರಮೇಶ್ವರ ಪ್ರಸ್ತಾವಿಕವಾಗಿ ಮಾತನಾಡಿದರು. ಸಿರಿ ಯೋಜನಾಕಾರಿ ರೋಹಿತ್ ಕಾರ್ಯಕ್ರಮ ನಿರೂಪಿಸಿ, ಎಸ್.ಕೆ.ಡಿ.ಆರ್.ಡಿ.ಪಿ ಮೈಸೂರು ಯೋಜನಾಕಾರಿ ಕೇಶವ ದೇವಾಂಗ ವಂದಿಸಿದರು.

​ಹೊನ್ನಪ್ಪ ಭಾಗವತರ್‌ ಬಹುಮುಖ ಪ್ರತಿಭೆ

​ಹರಿಹರ: ಯಾವುದೇ ಕಲೆ ಸತ್ವಯುತವಾಗಿದ್ದಾಗ ಆ ಕಲೆ, ಅದರ ಕಲಾವಿದ ಜನಮಾನಸದಲ್ಲಿ ಅಮರವಾಗಿ ಉಳಿಯುತ್ತಾನೆ ಎಂಬುದಕ್ಕೆ ಬಹುಮುಖ ಪ್ರತಿಭೆಯ ಕಲಾವಿದ ಹೊನ್ನಪ್ಪ ಭಾಗವತರ್‌ ಸಾಕ್ಷಿಯಾಗಿದ್ದಾರೆ ಎಂದು ನೇಕಾರ ಸಮುದಾಯಗಳ ಒಕ್ಕೂಟದ ಗೌರವಾಧ್ಯಕ್ಷ ದೇವಾಂಗದ ಮಲ್ಲಿಕಾರ್ಜುನ ಹೇಳಿದರು. ಗಾಯಕ, ನಟ, ನಿರ್ದೆಶಕ ಹೊನ್ನಪ್ಪ ಭಾಗವತರ್‌ರವರ ಜನ್ಮ ಶತಮಾನೋತ್ಸವ ನಿಮಿತ್ತ ನಗರದ ನೇಕಾರ ಒಕ್ಕೂಟ ಶುಕ್ರವಾರ ಆಯೋಜಿಸಿದ್ದ ನುಡಿ ನಮನ ಕಾರ್ಯಕ್ರಮದಲ್ಲಿ ಮಾತನಾಡಿದ ಅವರು ಉತ್ತಮ ಗುರಿ, ಅದನ್ನು ಸಾಧಿಸುವ ಛಲ ಹಾಗೂ ಸತತ ಪ್ರಯತ್ನದಿಂದ ಹೊನ್ನಪ್ಪ ಸಂಗೀತ, ರಂಗಭೂಮಿ ಚಲನಚಿತ್ರಗಳಲ್ಲಿ ತಮ್ಮದೇ ಛಾಪು ಮೂಡಿಸಿದರು ಎಂದರು.
ಬಾಲ್ಯದಲ್ಲೇ ತಂದೆಯನ್ನು ಕಳೆದುಕೊಂಡು ತಾಯಿಯ ತವರು ಮೋಟಗನಹಳ್ಳಿಯಲ್ಲಿ ಬೆಳೆದ ಹೊನ್ನಪ್ಪರಿಗೆ ಅಲ್ಲಿನ ಸಾಂಸ್ಕೃತಿಕ ವಾತಾವರಣ ರಂಗಭೂಮಿ ಕಡೆ ಆಸಕ್ತಿ ಮೂಡಿಸಿತು. ನಂತರ ಜೀವನೋಪಯಕ್ಕೆ ಬೆಂಗಳೂರಿಗೆ ಬಂದು ಕುಲಕಸುಬು ಕೈಮಗ್ಗ ನಡೆಸುತ್ತಲೇ ಅಕ್ಷರದ ಜೊತೆ, ಸಂಗೀತವನ್ನೂ ಕಲಿತು ಚಿತ್ರರಂಗದಲ್ಲಿ ಮೇರು ಸಾಧನೆಗೆ„ದರು ಎಂದರು.
1937 ರಲ್ಲಿ ಸೇಲಂನಲ್ಲಿ ನಡೆದ ತ್ಯಾಗರಾಜ ಆರಾಧನೆಯಲ್ಲಿ ಸಂಗೀತ ಕಛೇರಿ ನಡೆಸಿದ್ದರಿಂದ ಚಿತ್ರರಂಗದ ಸಂಪರ್ಕ ಬೆಳೆದು ಪ್ರಥಮ ಚಿತ್ರ ಅಂಬಿಕಾಪತಿ ಮೂಲಕ ಹೊನ್ನಪ್ಪ ನಾಯಕ, ಗಾಯಕರಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದರು. ನಂತರ ಕನ್ನಡ, ತೆಲುಗು, ತಮಿಳು ಭಾಷಾ ಚಿತ್ರಗಳಲ್ಲಿ ನಟಿಸಿ, ನಿರ್ದೆಶಕ-ನಿರ್ಮಾಪಕರಾಗಿ ಜನ ಮೆಚ್ಚುಗೆ ಪಡೆದರು. ಸುಭಧಾ, ಹೇಮರೆಡ್ಡಿ, ಭಕ್ತ ಕುಂಬಾರ, ಮಹಾಕವಿ ಕಾಳಿದಾಸ, ಪಂಚರತ್ನ, ಜಗಜ್ಯೋತಿ ಬಸವೇಶ್ವರ, ಸದಾನಂದ, ಗುಣಸಾಗರಿ ಮುಂತಾದ ಕನ್ನಡ ಚಿತ್ರಗಳಲ್ಲೂ ನಟಿಸಿ, ಕೇಂದ್ರ ಸಂಗೀತ ಅಕಾಡೆಮಿ ಫೆಲೋಶಿಪ್‌ ಪಡೆದ ಮೊದಲ ಕನ್ನಡಿಗರೆಂಬ ಹೆಗ್ಗಳಿಕೆಗೂ ಪಾತ್ರರಾದರು ಎಂದು ಸ್ಮರಿಸಿದರು.
ಕುರುಬ ಸಮಾಜದ ಅಧ್ಯಕ್ಷ ಕೆ.ಬಿ.ಬಸವರಾಜಪ್ಪ ಮಾತನಾಡಿ, ಯಕ್ಷಗಾನ, ಬಯಲಾಟ ನಡೆಯುವ ಕಡೆ ಹೊನ್ನಪ್ಪ ಭಾಗವತ್‌ರ ಹೆಸರು ಹೆಚ್ಚು ಪ್ರಚಲಿತದಲ್ಲಿದೆ ಎಂದರು. ಮರಾಠ ಸಮಾಜದ ಅಧ್ಯಕ್ಷ ಮರಿಯೋಜಿರಾವ್‌ ಮಾತನಾಡಿ, ಸಾಧಕರರಲ್ಲಿ ಹಿಂದುಳಿದ ವರ್ಗದವರೇ ಅಧಿಕವಾಗಿದ್ದು, ಅಂತವರ ಜನ್ಮದಿನೋತ್ಸವ ಬಂದಾಗ ಹಿಂದುಳಿದ ವರ್ಗದವರು ಒಟ್ಟಿಗೆ ಸೇರಿ ಆಚರಣೆ ಮಾಡುವುದರಿಂದ ಹಿಂದುಳಿದ ವರ್ಗದ ಸಂಘಟನೆಗೆ ಬಲ ಬರುತ್ತದೆ ಎಂದರು.
ದೇವಾಂಗ ಸಮಾಜದ ಪ್ರಕಾಶ್‌ ಕೋಳೂರು, ಪದ್ಮಸಾಲಿ ಸಮಾಜದ ಚನ್ನಕೇಶವ, ಪಟ್ಟಸಾಲಿ ಸಮಾಜದ ಸಾವಿತ್ರಮ್ಮ ವಿಭೂತಿ, ಕುರುಹಿನಶೆಟ್ಟಿ ಸಮಾಜದ ರಾಜಣ್ಣ ಅಗಡಿ, ಸಿದ್ದಪ್ಪ ಬೆಳ್ಳಟ್ಟಿ, ಹೆಚ್‌.ರಂಗನಾಥ್‌, ತಿಪ್ಪಣ್ಣ ದೇವರೆಡ್ಡಿ, ಗಂಗಾಧರ ಕೊಟಗಿ, ಚಂದ್ರಪ್ಪ ಭಂಡಾರೆ, ರಾಘವೇಂದ್ರ ಪಟ್ಟಸಾಲಿ, ರುದ್ರೇಶ್‌ ಸಿರಗುಂಡ ಮತ್ತಿತರರಿದ್ದರು. ಒಕ್ಕೂಟದ ಕಾರ್ಯದರ್ಶಿ ಜಿ.ಹೆಚ್‌.ರಾಮಚಂದ್ರ ಪ್ರಸ್ತಾವಿಕ ನುಡಿಗಳನ್ನಾಡಿದರು. ಕುಮಾರಿ ಗೀತಾಂಜಲಿ ಪ್ರಾರ್ಥಿಸಿದರೆ, ವೀರಣ್ಣ ಅಗಡಿ ಸ್ವಾಗತಿಸಿ, ಷಣ್ಮುಖ ಪಟ್ಟಸಾಲಿ ವಂದಿಸಿದರು.
ಮಗ್ಗದ ಬದುಕಿನಿಂದ ಆರಂಭಿಸಿ ವಿವಿಧ ಕಾಲಕ್ಷೇತ್ರಗಳಲ್ಲಿ ಸಾಧನೆಗೆ„ದ ಮಹಾನ್‌ ಕಲಾಚೇತನ ಹೊನ್ನಪ್ಪ ಭಾಗವತರ ಜನ್ಮದಿನೋತ್ಸವದ ಅಂಗವಾಗಿ ಸರ್ಕಾರ ಅವರ ಭಾವಚಿತ್ರದ ಅಂಚೆ ಚೀಟಿ ಬಿಡುಗಡೆ ಮಾಡಬೇಕು, ಪ್ರಮುಖ ನಗರಗಳ ವೃತ್ತಗಳಿಗೆ ಅವರ ಹೆಸರಿಟ್ಟು, ಪ್ರತಿಮೆ ಸ್ಥಾಪಿಸುವ ಮೂಲಕ ನಾಡಿನ ಕಲಾವಿದನನ್ನು ಗೌರವಿಸಬೇಕು.
-ಹೆಚ್‌.ಕೆ.ಕೊಟ್ರಪ್ಪ, ನೇಕಾರ ಸಮುದಾಯಗಳ ಒಕ್ಕೂಟದ ಅಧ್ಯಕ್ಷ.

ಕೊಳ್ಳೇಗಾಲದಲ್ಲಿಕತ್ತಿಹಬ್ಬದ ಮೆರವಣಿಗೆಯಲ್ಲಿ ಖಡ್ಗಗಳನ್ನು ಹಿಡಿದು ಸಾಗುತ್ತಿರುವ ದೇವಾಂಗ ಸಮುದಾಯದವರು..

ಚಾಮರಾಜನಗರ, ಜ.24 : ಜಿಲ್ಲೆಯ ಕೊಳ್ಳೇಗಾಲದಲ್ಲಿ ದೇವಾಂಗ ಸಮುದಾಯ  ಕಳೆದ ಹಲವಾರು ದಶಕಗಳಿಂದ  ಆಚರಿಸಿಕೊಂಡು ಬಂದಿರುವ ಶ್ರೀ ರಾಮಲಿಂಗ ಚೌಡೇಶ್ವರಿ ` ಕತ್ತಿ ಹಬ್ಬ’  ಈ ವರ್ಷ ಮತ್ತೆ ಆರಂಭವಾಗಿದೆ. ಕಳೆದ ಎರಡು ದಿನಗಳಲ್ಲಿ ದೇವಾಂಗ ಸಮುದಾಯ ದೇವರಿಗೆ ವಿವಿಧ ಪೂಜಾ-ಕೈಂಕರ್ಯಗಳು ಹಾಗೂ ಸೇವೆಯನ್ನು ನೆರವೇರಿಸಿದೆ.
ಕೊಳ್ಳೇಗಾಲದಲ್ಲಿ ದೇವಾಂಗ ಸಮುದಾಯ ಆಚರಿಸುವ ದೇವಲ-ಜಯಂತಿ, ಚೌಡೇಶ್ವರಿ ನವರಾತ್ರಿ ಹಬ್ಬ, ಜನಿವಾರ ಹಬ್ಬ, ಕತ್ತಿ ಹಬ್ಬ, ಗಿ ರಿಜಾ ಕಲ್ಯಾಣ ಹಾಗೂ ಚಾರಿಯೆಟ್ ಹಬ್ಬಗಳನ್ನು ಭಕ್ತ ಭಾವದಿಂದ ಆಚರಿಸಿಕೊಂಡು ಬರುತ್ತಿದೆ. ಈ ಪೈಕಿ ರಾಮಲಿಂಗ ಚೌಡೇಶ್ವರಿ ಕತ್ತಿಹಬ್ಬ ಅತ್ಯಂತ ಹೆಚ್ಚಿನ ಪ್ರಾಮುಖ್ಯತೆಯನ್ನು ಪಡೆದುಕೊಂಡಿದೆ. ಆದಗ್ಯೂ, ಪ್ರತೀ ಹಬ್ಬಗಳಿಗೂ ತನ್ನದೇ ಆದ ವೈಶಿಷ್ಟ್ಯತೆಯನ್ನೊಂದಿದೆ. ಈ ಸಂಬಂಧ ದೇವಾಂಗ ಸಮುದಾಯದ ಮುಖಂಡ ಎನ್.ಚಂದ್ರಶೇಖರಯ್ಯ, ಕತ್ತಿಹಬ್ಬಕ್ಕೆ ಸಂಬಂಧಿಸಿದಂತೆ ವಿವರಿಸಿದ ಮಾಹಿತಿ ಹೀಗಿದೆ…….
`ಕತ್ತಿಹಬ್ಬ’  ಕೇವಲ ಹಬ್ಬವಾಗಿ ಮಾತ್ರ ಆಚರಣೆಯಲ್ಲಿಲ್ಲ. ಬದಲಾಗಿ ದೇಶಗಳ ನಾನಾ ಭಾಗಗಳಲ್ಲಿ ವಾಸಿಸುತ್ತಿರುವ ದೇವಾಂಗ ಸಮುದಾಯವನ್ನು ಒಗ್ಗೂಡಿಸುವ ನಿಟ್ಟಿನಲ್ಲೂ ಈ ಹಬ್ಬ ಪ್ರಮುಖ ಪಾತ್ರ ನಿರ್ವಹಿಸುತ್ತದೆ.  ಜೊತೆಗೆ ಸಮುದಾಯದಲ್ಲಿ ರುವ ಸಾಂಸ್ಕೃತಿಕ ನೆಲೆಗಟ್ಟನ್ನು ಬಿಂಬಿಸುತ್ತದೆ.
ಇದು, ಕೇವಲ ಕೊಳ್ಳೇಗಾಲದಲ್ಲಿರುವ ದೇವಾಂಗ ಸಮುದಾಯಕ್ಕೆ ಮಾತ್ರ ಸೀಮಿತವಾಗಿರದೇ ಸುತ್ತಮುತ್ತಲ ನಿವಾಸಿಗಳೂ ಸಹ  ಈ ಹಬ್ಬಕ್ಕಾಗಿ ಪಟ್ಟಣದಲ್ಲಿ ಸೇರುತ್ತಾರೆ. ಸಮುದಾಯದ ಹಲವರು ವಿದೇಶ ದಲ್ಲೂ ನೆಲೆಕಂಡುಕೊಂಡಿದ್ದಾರೆ. ಇತರ ಸಮುದಾಯದ ಮಂದಿಯೂ ಸಕ್ರಿಯವಾಗಿ ಭಾಗವಹಿಸಿ ಈ ಹಬ್ಬಕ್ಕೆ ಮತ್ತಷ್ಟು ಕಳೆತುಂಬುತ್ತಾರೆ. ಅಲ್ಲದೇ, ದೇವಾಂಗ ಸಮುದಾಯದ ಜನರೊಂದಿಗೆ ಇತರ ವರ್ಗದವರು ಬೆರೆಯುವ ಮೂಲಕ  ಹಬ್ಬ  ಬ್ರಾತೃತ್ವವನ್ನು ಬೆಸೆಯುತ್ತಿದೆ.

1962 ರಲ್ಲಿ ನಡೆದ ಕತ್ತಿಹಬ್ಬದ ಮೆರವಣಿಗೆಯ ಅಪರೂಪದ ಚಿತ್ರ`ಕತ್ತಿ ಹಬ್ಬ’  ಕಳೆದ 9 ಕ್ಕೂ ಹೆಚ್ಚು ದಶಕಗಳಿಂದಲೂ ದೇವಾಂಗ ಸಮುದಾಯದವರು  ಸಾಂಪ್ರದಾಯಿಕವಾಗಿ ಆಚರಿಸಿಕೊಂಡು ಬರುತ್ತಿದ್ಧಾರೆ. ಆದರೆ 9 ದಶಕಗಳ ಪೈಕಿ 1921,  1962, 1982 ಮತ್ತು 199 9 ನಾಲ್ಕು ಬಾರಿ ಮಾತ್ರ ಆಚರಣೆಯಾಗಿದೆ. 1999 ರ ನಂತರ ಅಂದರೆ 16 ವರ್ಷಗಳ ಬಳಿ ಕ ದೇವಾಂಗ ಸಮುದಾಯದ ಮುಖಂಡರು 2015 ರ ಜ.22 ರಿಂದ ಫೆ.1 ರವರೆಗೆ 11 ದಿನಗಳ ಕಾಲ ಶ್ರೀ ರಾಮಲಿಂಗ ಚೌಡೇಶ್ವರಿ ಹಬ್ಬವ ನ್ನು ವೈಭವದಿಂದ ಭಕ್ತಪೂರ್ವಕವಾಗಿ ಆಚರಿಸಲು ತೀರ್ಮಾನಿಸಿದ್ಧಾರೆ.
ದೇವಾಂಗ ಸಮುದಾಯದ ಗುರುಗಳು ಹಾಗೂ ಹಂಪಿ ಪೀಠಾಧ್ಯಕ್ಷರಾದ ದಯಾನಂದಪುರಿ ಸ್ವಾಮೀಜಿ ಅವರು ಈ ಕತ್ತಿಹಬ್ಬಕ್ಕೆ ಬೆನ್ನೆಲು ಬಾಗಿ ನಿಂತು ಪ್ರೋತ್ಸಾಹಿಸುತ್ತಿದ್ಧಾರೆ. ಈ ಹಬ್ಬದ ಮ ತ್ತೊಂದು ವಿಶೇಷತೆಯೆಂದರೆ ಕವಿರತ್ನ ಕಾಳಿದಾಸ ಹಾಗೂ ಆದಿಶಂಕರಾಚಾರ್ಯ ಮತ್ತಿತರ ಋಷಿಮುನಿಗಳು ದೇವಿ ಭಗವತ ಅಥವಾ ದೊಡ್ಡಕತ್ತಿಹಬ್ಬ ಹಾಗೂ ಹಲಗೋತ್ಸವ ಎಂದು ಇತಿಹಾಸ ಪ್ರಸಿದ್ದಿಗೆ ಸಾಕ್ಷಿಯಾಗಿರುವ ಚೌ ಡೇಶ್ವರಿ ದೇವಿಯ ಮಹಿಮೆಯನ್ನು ದಾಖಲಿಸಿದ್ದಾರೆ. ಅಲ್ಲದೇ, ಬ್ರಿಟೀಷರ ಕಾಲದಿಂದಲೂ ಮೈಸೂರು ಅರಸರೂ ಈ ಹಬ್ಬವನ್ನು ವೈಭವ ದಿಂದ ಆಚರಿಸಿಕೊಂಡು ಬಂದಿರುವ ಕುರಿತು ಇತಿಹಾಸದ ಪುಟಗಳಲ್ಲಿ ದಾಖಲಾಗಿದೆ.ಹಲಗೋತ್ಸವ ಉತ್ಸವ ಬಗ್ಗೆ ನಡೆದಿರುವ ಸಂಶೋಧನೆಯಲ್ಲಿ ಕತ್ತಿಹಬ್ಬದ ಆಚರಣೆಯು ಸತ್ಯಯುಗದ ಕಾಲದಲ್ಲೂ ತಳುಕು ಹಾಕಿಕೊಂಡಿದೆ ಎನ್ನಲಾಗಿದೆ.
ಚೌಡೇಶ್ವರಿ ದೇವಿಯ ಮಹಿಮೆ ಹಿನ್ನೆಲೆ:
ದೇವಾಂಗ ಸಮುದಾಯದವರ ಈ ಹಬ್ಬಕ್ಕೆ ಅನ್ಯ ಧರ್ಮೀಯರು ಸಹ ಸಾಥ್ ನೀಡುವುದು ವಿಶೇಷ.ಸತ್ಯಯುಗದಲ್ಲಿ ದೇವಾನುದೇವತೆಗಳೂ ಸಹ ಸಂಪೂರ್ಣವಾಗಿ ವಿವಸ್ತ್ರವಾಗಿ ಮಾನುಕುಲದಿಂದ ದೂರವಿದ್ದರು. ಎಲ್ಲ ದೇವಾನುದೇವತೆಗ ಳು, ರಾಕ್ಷಸರು, ಯಕ್ಷ-ಕಿನ್ನರರು, ಕಿಂಪುರುಷರು ಶಿವ ಪಾರ್ವತಿ ಬಳಿ ಈ ಕುರಿತು ಅಳಲು ತೋಡಿಕೊಳ್ಳುತ್ತಾರೆ. ವಿಷಯವನ್ನು ತಿಳಿದ ಶಿವ ತನ್ನ ಮೂರನೇ ಕಣ್ಣನ್ನು ತೆರೆದು ದೇವಲ ಮಹರ್ಷಿಗಳಿಗೆ ದೇವತೆಗಳ ಅಸ್ವಸ್ಥತೆಯನ್ನು ಸರಿಪಡಿಸಿ ಅವರ ದೇ ಹದ ಮೇಲೆ ವಸ್ತ್ರ, ಕೈಯ್ಯಲ್ಲಿ ದಂಡ ಹಾಗೂ ಕಮಂಡಲ ಇರಬೇಕು ಎಂದು ಆಜ್ಞಾಪಿಸುತ್ತಾನೆ.
ಶಿವನ ಮಾತುಗಳನ್ನು ಕೇಳುತ್ತಿದ್ದಂತೆ ದೇವಲ ಮಹರ್ಷಿ ಈ ಕಾರ್ಯವನ್ನು ನಾನು ಹೇಗೆ ಮಾಡಲು ಸಾಧ್ಯ ಎಂದು ಅಸಹಾಯಕತೆ ಪ್ರದ ರ್ಶಿಸುತ್ತಾರೆ. ಆಗ ದೇವಲ ಮಹರ್ಷಿಯನ್ನು ಕುರಿತು ಶಿವ ನೀನು ಈಗ ಭಗವಾನ್ ವಿಷ್ಣುವಿನ ಬಳಿ ಹೋಗು. ಅವನಿಂದ ಬೀಜವನ್ನು ಪಡೆದು ಬಂದು ಹತ್ತಿಯನ್ನು ಬೆಳೆಯಲಾರಂಭಿಸು. ಬರುವ ಹತ್ತಿಯಿಂದ ಬಟ್ಟೆಯನ್ನು ತಯಾರಿಸು ದೇವತೆಗಳಿಗೆ ನೀಡು ಎಂದು ಸಲಹೆ ನೀಡುತ್ತಾನೆ.
ವಿಷ್ಣುವಿನ ಬಳಿ ಹೋಗಿ ಹತ್ತಿ ಬೀಜಪಡೆದು ಹಿಂದಿರುಗುವಾಗ ದೇವಲ ಮಹರ್ಷಿಗೆ ಹಲವು ಅಡ್ಡಿ ಆತಂಕಗಳು ಎದುರಾಗುತ್ತವೆ. ಇದರಿಂದ ತನ್ನನ್ನು ರಕ್ಷಿಸು ಎಂದು ಆದಿಪರಾಶಕ್ತಿಯನ್ನು ಪ್ರಾರ್ಥಿಸು ತ್ತಾನೆ. ಚೌಡೇಶ್ವರಿ ರೂಪದಲ್ಲಿ ಪ್ರತ್ಯಕ್ಷವಾಗುವ ಆದಿಪಾರಶಕ್ತಿ ತನ್ನ ಮಾನಸ ಪುತ್ರನಿಗೆ ಎದುರಾಗಿರುವ ಸಂಕಷ್ಟದಿಂದ ಪಾರು ಮಾಡುತ್ತಾಳೆ. ದೇವತೆಗಳ ಮುಖ್ಯ ವಾಸ್ತುಶಿಲ್ಪಿಗಳ ಸಹಾಯ ಪಡೆದು ಬಟ್ಟೆಯನ್ನು ನೇಯಲು ಬೇಕಾದ ಯಂತ್ರವನ್ನು ಪಡೆ ಎಂದು  ಚೌಡೇಶ್ವರಿದೇವಿ ಸಲಹೆ ನೀಡುತ್ತಾಳೆ. ಬಳಿಕ ಶಿವನಿಂದ ನಂದಿಧ್ವಜ, ವಿಷ್ಣುವಿನಿಂದ ಚಕ್ರ ಹಾಗೂ ಬ್ರಹ್ಮನಿಂದ ತೇಜಸ್ಸನ್ನು ವರ ವಾಗಿ ಪಡೆಯುತ್ತಾನೆ. ನಂತರ ಸೂರ್ಯದೇವನ ಮಗಳು ದೇವದತ್ತೆಯನ್ನು ಮದುವೆಯಾಗುತ್ತಾನೆ. ಅಲ್ಲದೇ, ಆಯೋಧನ ಗಿರಿಯ ಆಳ್ವಿಕೆಯನ್ನು ಆರಂಭಿಸುತ್ತಾನೆ. ಜೊತೆಜೊತೆಗೆ ದೊಡ್ಡ ಪ್ರ ಮಾಣದ ಬಟ್ಟೆ ನೇಯುವ ಕಾರ್ಖಾನೆಯನ್ನು ದೇವಲ ಮಹರ್ಷಿ ಸ್ಥಾಪಿಸುತ್ತಾನೆ ಎಂಬುದು ಈ ಕತ್ತಿಹಬ್ಬ ಆಚರಣೆಗಿರುವ ಹಿನ್ನೆಲೆ.